ప్రభాస్ వాచ్ ‘హబ్లట్’ ధర తెలుసా?

0
271

‘బాహుబలి’ చిత్రంతో ఇండియన్ లెవెల్లో పాపులారిటీ సంపాదించుకున్నాడు యంగ్ రెబల్ స్టార్ ప్రభాస్. ఈ చిత్రం వచ్చిన రెండున్నరేళ్ల గ్యాప్ తర్వాత ‘సాహో’ చిత్రంతో వస్తున్నాడు ప్రభాస్. ఈ చిత్రంతో టాలీవుడ్ లోనే కాదు బాలీవుడ్ లో కూడా సత్తా చాటాలని కోరుకుంటున్నారు. ఆగష్టు 30 న విడుదల కాబోతున్న ‘సాహో’ చిత్రానికి ప్రమోషన్స్ డోస్ పెంచారు చిత్ర యూనిట్ సభ్యులు. ఇందులో భాగంగా ప్రభాస్ ట్రెండీ లుక్స్ తో అందరినీ ఆకట్టుకుంటున్నాడు. ఇక ఈ ప్రమోషన్స్ లో ప్రభాస్ చేతికి ధరించిన వాచ్ పెద్ద హైలెట్ గా నిలుస్తుంది. రామోజీ ఫిలింసిటీలో జరిగిన ప్రీరిలీజ్ ఈవెంట్ తో పాటు ప్రస్తుతం జరుగుతున్న ప్రమోషన్స్ కు కూడా ప్రభాస్ ఇదే వాచ్ పెట్టుకుని హాజరవుతున్నాడు.

ఈ ఇంటర్నేషనల్ స్టార్ ధరించే వస్తువులు రేంజ్ వింటే కళ్లు బైర్లు కమ్మాల్సిందే. ‘బాహుబలి’ చిత్రంతో అంతర్జాతీయ గుర్తింపు పొందిన ప్రభాస్ రేంజ్ అమాంతం పెరిగిపోయింది. ఆయనతో సినిమా తీయాలంటే కోట్లు కుమ్మరించాల్సిందే. బాహుబలి చిత్రం తరువాత ప్రభాస్ నుంచి ‘సాహో’ సినిమాపై దేశ వ్యాప్తంగా భారీ అంచనాలు నెలకొన్నాయి. 

ఈ అంచనాలకు ఏ మాత్రం తగ్గని స్థాయిలో ‘రన్ రాజా రన్’ ఫేమ్ సుజీత్ ఈ చిత్రాన్ని అంతర్జాతీయ ప్రమాణాలతో హై టెక్నికల్ వాల్యూస్‌తో భారీగా తెరకెక్కించారు. యువీ ఎంటర్‌టైన్‌మెంట్స్ పతాకంపై ప్రభాస్ స్నేహితులు వంశీ, ప్రమోద్ ఈ చిత్రాన్ని సుమారు 350 కోట్ల బడ్జెట్‌తో నిర్మిస్తున్నారు. ఈ నెల 30న తెలుగు, తమిళ, మలయాళ, హిందీ భాషల్లో పాన్ ఇండియా చిత్రంగా ప్రేక్షకుల ముందుకు వస్తున్న ఈ మూవీ ప్రమోషన్స్‌లో భాగంగా ఆదివారం నాడు అంగరంగవైభవంగా ప్రీ రిలీజ్ ఈవెంట్‌ను నిర్వహించారు. 

గత రాత్రి హైదరాబాద్‌లోని రామోజీ ఫిల్మ్ సిటీలో జరిగిన ఈ ప్రీ రిలీజ్ వేడుకకు చిత్ర యూనిట్‌తో పాటు రాజమౌళి, వివి వినాయక్, క్రిష్ణంరాజు తదితర ఇండస్ట్రీ పెద్దలు హాజరయ్యారు. అయితే ఈ ప్రీ రిలీజ్ ఈవెంట్‌లో ప్రభాస్ లుక్స్‌తో ఎంతో మంది డార్లింగ్స్‌ని ఫిదా చేశారు. అయితే ఈ ఈవెంట్‌‌లో ప్రభాస్ ధరించిన వాచ్‌‌ ఇండస్ట్రీలో హాట్ టాపిక్ అవుతోంది. 

ప్రభాస్ ధరించిన ఆ వాచ్ చాలా అట్రాక్ట్ చేస్తుండటంతో ఆ వాచ్ గురించి గూగుల్ తల్లిని ఆరా తీయగా కళ్లు బైర్లు కమ్మే రేటు కనిపించింది. ప్రభాస్ వాచ్ ‘హబ్లట్’ కాగా.. ఆ వాచ్ ధర రూ. లక్షల పైమాటే ఉంటుందని అంచనా. హాలీవుడ్ సెలబ్రిటీలు ఈ తరహా వాచ్‌లను ధరిస్తారు. ఈ బ్రాండ్‌కి సంబంధించిన వాచ్‌లు రూ. 15 లక్షల నుండి రూ. కోటి వరకూ ధర పలుకుతున్నాయి. 

‘గల్లీలో సిక్స్ ఎవడైనా కొడతాడు.. స్టేడియంలో కొట్టేవాడికే ఒక రేంజ్ వుంటది’.. అని సాహో ట్రైలర్‌లో చెప్పినట్టుగా.. వాచ్‌లు అందరూ పెడతారు.. హబ్లట్ వాచ్ పెట్టేవాడికి ఓ రేంజ్‌ ఉంటుందని చెప్పకనే చెబుతున్నాడు డార్లింగ్ ప్రభాస్. మొత్తానికి ప్రభాస్ వాచ్‌ ధర గూగుల్‌లో ట్రెండ్ అవుతుండటం విశేషం.


LEAVE A REPLY

Please enter your comment!
Please enter your name here